Geschter isch i plötzlich gross i de Tagesschau gsy – als Hauptschlagzyyle sogar! Und wemme dänggt: Wenn s Schwyzer Fernseh nonstop über d AfD und d dütsche Wahle redt oder Videos vo Trump umschnydet – isch das nöd au Yymischig und Fake News?
Von Hans-Ueli Läppli
Guguuseli, y bi wider doo!
Also, i müess der jetz emol richtig verzelle, was da alles passiert isch, will es isch eifach z unglaublig, die ganz Gschicht…
Geschter bin i zerscht ganz normal dehei gsy, ha chli a de Uniform umegnäschtlet und aafange z choche – alles, was i no im Chuchichäschtli gfunde ha … wie immer halt.
Und plötzlich – bumm! – chunnt e Biitrag über mi im Schwyzer Fernseh. Kei Seich, i verzell euch! Nöd irgendwo hinde aaghängt, nöd bi TeleZüri mit de Patricia Boser oder so, nei – richtig i de Tagesschau, richtig Prime Time, und zwar grad als erscht Hauptschlagzyyle, als Top-News!
